shama ki lau se khelte dekhe hain maine parwane do
sham.a kī lau se khelte dekhe haiñ maiñ ne parvāne do
ik to maut se khel rahā hai ik kahtā hai jaane do
mere badan par tum barsāo pyaar kī shabnam husn kī aag
yuuñ ghul-mil kar ek nazar se ham paḌh leñ afsāne do
jin par jaan luTā dī maiñ ne vo hī mujh se barham haiñ
rone par pābandī hai to qahqaha ek lagāne do
tum ne pilā.ī jitnī pilā.ī dekho haiñ pyāse riñd abhī
sāqī-garī se haath na khīñcho sab kī duā lo aane do
mai se maiñ tauba kar lūñgā ye lo merī tauba hai
pahle mere hāthoñ meñ apnī āñkhoñ ke mai-ḳhāne do
us kā kaam hai kahtā rahnā apnā kaam hai sun lenā
vaa.iz bhī apnā hai 'kañval' tum va.az use farmāne do
shama ki lau se khelte dekhe hain main ne parwane do
ek to maut se khel raha hai ek kahta hai jaane do
mere badan par tum barsao pyar ki shabnam husn ki aag
yun ghul-mil kar ek nazar se hum paDh len afsane do
jin par jaan luTa di main ne wo hi mujh se barham hain
rone par pabandi hai to qahqaha ek lagane do
tum ne pilai jitni pilai dekho hain pyase rind abhi
saqi-gari se hath na khincho sab ki dua lo aane do
mai se main tauba kar lunga ye lo meri tauba hai
pahle mere hathon mein apni aankhon ke mai-KHane do
us ka kaam hai kahta rahna apna kaam hai sun lena
waiz bhi apna hai 'kanwal' tum waz use farmane do
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
