shama ki nazron mein saudai hai parwana abhi

sham.a kī nazroñ meñ saudā.ī hai parvāna abhī

soz-o-sāz-e-ishq se hai husn begāna abhī

āstān-e-nāz se duniyā hai begāna abhī

koī ka.aba DhūñDtā hai koī but-ḳhāna abhī

kuchh bagūloñ aur kuchh zarroñ meñ haiñ sargoshiyāñ

dasht se guzrā hai shāyad koī dīvāna abhī

us ne jazb-e-ishq kī tāsīr dekhī hī nahīñ

apne jalvoñ par hai nāzāñ husn-e-jānāna abhī

kyā huī terī nigāh-e-mast kī sarmastiyāñ

hosh meñ baiThā huā hai terā dīvāna abhī

tere zauq-e-dīd meñ rang-e-kalīmāna nahīñ

varna vo ḳhud chal ke aa.e be-hijābāna abhī

aql-e-nādāñ ke tasarruf meñ haiñ lākhoñ gulistāñ

ishq kī qismat meñ ai 'sābir' hai vīrāna abhī

shama ki nazron mein saudai hai parwana abhi

soz-o-saz-e-ishq se hai husn begana abhi

aastan-e-naz se duniya hai begana abhi

koi kaba DhunDta hai koi but-KHana abhi

kuchh bagulon aur kuchh zarron mein hain sargoshiyan

dasht se guzra hai shayad koi diwana abhi

us ne jazb-e-ishq ki tasir dekhi hi nahin

apne jalwon par hai nazan husn-e-jaanana abhi

kya hui teri nigah-e-mast ki sarmastiyan

hosh mein baiTha hua hai tera diwana abhi

tere zauq-e-did mein rang-e-kalimana nahin

warna wo KHud chal ke aae be-hijabana abhi

aql-e-nadan ke tasarruf mein hain lakhon gulistan

ishq ki qismat mein ai 'sabir' hai virana abhi