shama ki tarah pighalte rahiye

sham.a kī tarah pighalte rahiye

apnī hī aag meñ jalte rahiye

aaj insāñ kā muqaddar hai yahī

har na.e sāñche meñ Dhalte rahiye

zinda rahne kī tamannā hai agar

apnā chehra bhī badalte rahiye

chhāñv kī tarah baḌhā bhī kiije

dhuup kī tarah na Dhalte rahiye

zindagī kī hai alāmat laġhzish

kyuuñ bahar-gām sambhalte rahiye

kaam liije na zabāñ se apnī

ḳhaak bas chehre pe malte rahiye

zehn bhī shal na kahīñ ho jaa.e

vaqt-zāroñ se nikalte rahiye

shama ki tarah pighalte rahiye

apni hi aag mein jalte rahiye

aaj insan ka muqaddar hai yahi

har nae sanche mein Dhalte rahiye

zinda rahne ki tamanna hai agar

apna chehra bhi badalte rahiye

chhanw ki tarah baDha bhi kije

dhup ki tarah na Dhalte rahiye

zindagi ki hai alamat laghzish

kyun bahar-gam sambhalte rahiye

kaam lije na zaban se apni

KHak bas chehre pe malte rahiye

zehn bhi shal na kahin ho jae

waqt-zaron se nikalte rahiye