shamsa ne shairi mein ajab silsila kiya

'shamsa' ne shā'irī meñ 'ajab silsila kiyā

lafzoñ meñ qaid-e-zīst kā har mas.ala kiyā

bas ham mohabbatoñ meñ hazīmat na sah sake

ik 'umr apnī haar pe dil aabla kiyā

ab to mohabbatoñ kī na 'ādat rahī mujhe

muddat ke baa'd aap ne phir rābta kiyā

buniyād mere ghar kī hilā dī gila nahīñ

dil meñ paḌā shigāf jo us kā gila kiyā

tum tai na kar sake jo vafāoñ kī manzileñ

tab iḳhtiyār ham ne judā rāsta kiyā

maiñ yaad jab karūñ to vo letā hai hichkiyāñ

hairāñ huuñ dil ne dil se kahāñ rābta kiyā

kahne ko zindagī hai bahut muḳhtasar yahāñ

tai 'shamsa' ne tavīl magar fāsla kiyā

'shamsa' ne sha'iri mein 'ajab silsila kiya

lafzon mein qaid-e-zist ka har masala kiya

bas hum mohabbaton mein hazimat na sah sake

ek 'umr apni haar pe dil aabla kiya

ab to mohabbaton ki na 'adat rahi mujhe

muddat ke ba'd aap ne phir rabta kiya

buniyaad mere ghar ki hila di gila nahin

dil mein paDa shigaf jo us ka gila kiya

tum tai na kar sake jo wafaon ki manzilen

tab iKHtiyar hum ne juda rasta kiya

main yaad jab karun to wo leta hai hichkiyan

hairan hun dil ne dil se kahan rabta kiya

kahne ko zindagi hai bahut muKHtasar yahan

tai 'shamsa' ne tawil magar fasla kiya