sharab pi jaan tan mein aai alam se tha dil kabab kaisa

sharāb pī jaan tan meñ aa.ī alam se thā dil kabāb kaisā

gale se lag jaao aao sāhab kahāñ kā parda hijāb kaisā

ab aao bhī har taraf takalluf naqāb kaisī kahāñ kā parda

jhukā.e kyuuñ sar ho sharm se tum ayaañ hai ruḳh se hijāb kaisā

baḌhā jo maiñ rakh ke uzr-e-mastī kahā ye hañs kar chaḌhā ke tevrī

haTo zarā hosh meñ raho jī sambhālo dil iztirāb kaisā

tumheñ mubārak ho jo liyā hai bhulā do jo ham ko de diyā hai

jo ho gayā us kā zikr kyā hai ye dostoñ meñ hisāb kaisā

bahār ke din haiñ kyā maza hai sharāb kā daur chal rahā hai

lagā hai sabza chaman khulā hai baras rahā hai sahāb kaisā

maiñ rashk-e-majnūñ huuñ dekh idhar tū na lā sabā gulsitāñ kī ḳhushbū

ġhubār kī hai dimāġh ko ḳhū kahāñ kā itr aur gulāb kaisā

vo chashm kartī hai said aahū haiñ itne tīr-e-mizha tarāzū

pukār hogī ye kal ko har sū karīh hai mushk-e-nāb kaisā

kabhī vo mastī meñ rañg laa.e kabhī kiyā shaad muskurā.e

ajab tarah ke maze uThā.e visāl kī shab meñ ḳhvāb kaisā

na mel kar sāqiyā yūñhī de pasand mujh ko nahīñ koī shai

jigar pe charkā lage piyāpe kahāñ kā paanī gulāb kaisā

nahīñ hai dozaḳh kā dil ko kuchh ġham mirī bhī sun nāsehā zarā tham

rahīm vo pur-gunāh haiñ ham azaab kaisā savāb kaisā

jo roz hai ruḳh to zulf hai shab zaqan hai mānind chāh-e-naḳhshab

ye haal hai bachpane meñ yārab to hogā ahd-e-shabāb kaisā

ye daur hai chashm-e-surma-gūñ kā falak hai ik qatra bahr-e-ḳhūñ kā

jahān meñ rañg hai fusūñ kā hai mast har shaiḳh-o-shabāb kaisā

'habīb' haiñ band kaam tere kahāñ haiñ shāh-e-anām tere

nahīñ pahuñchte imaam tere hai banda-e-bū-turāb kaisā

sharab pi jaan tan mein aai alam se tha dil kabab kaisa

gale se lag jao aao sahab kahan ka parda hijab kaisa

ab aao bhi har taraf takalluf naqab kaisi kahan ka parda

jhukae kyun sar ho sharm se tum ayan hai ruKH se hijab kaisa

baDha jo main rakh ke uzr-e-masti kaha ye hans kar chaDha ke tewri

haTo zara hosh mein raho ji sambhaalo dil iztirab kaisa

tumhein mubarak ho jo liya hai bhula do jo hum ko de diya hai

jo ho gaya us ka zikr kya hai ye doston mein hisab kaisa

bahaar ke din hain kya maza hai sharab ka daur chal raha hai

laga hai sabza chaman khula hai baras raha hai sahab kaisa

main rashk-e-majnun hun dekh idhar tu na la saba gulsitan ki KHushbu

ghubar ki hai dimagh ko KHu kahan ka itr aur gulab kaisa

wo chashm karti hai said aahu hain itne tir-e-mizha taraazu

pukar hogi ye kal ko har su karih hai mushk-e-nab kaisa

kabhi wo masti mein rang lae kabhi kiya shad muskurae

ajab tarah ke maze uThae visal ki shab mein KHwab kaisa

na mel kar saqiya yunhi de pasand mujh ko nahin koi shai

jigar pe charka lage piyape kahan ka pani gulab kaisa

nahin hai dozaKH ka dil ko kuchh gham meri bhi sun naseha zara tham

rahim wo pur-gunah hain hum azab kaisa sawab kaisa

jo roz hai ruKH to zulf hai shab zaqan hai manind chah-e-naKHshab

ye haal hai bachpane mein yarab to hoga ahd-e-shabab kaisa

ye daur hai chashm-e-surma-gun ka falak hai ek qatra bahr-e-KHun ka

jahan mein rang hai fusun ka hai mast har shaiKH-o-shabab kaisa

'habib' hain band kaam tere kahan hain shah-e-anam tere

nahin pahunchte imam tere hai banda-e-bu-turab kaisa