shauq-e-junun ke waste dil ka sukun gaya

shauq-e-junūñ ke vāste dil kā sukūñ gayā

muTThī se jaise ret phisaltī hai yuuñ gayā

chashm-e-garāñ ne dam liyā manzar-kashī se ab

āñkhoñ kī bhuuk miT ga.ī shauq-e-darūñ gayā

charchā thā us ke shahr meñ qātil nazar hai vo

us kī galī meñ jo bhī gayā sar-nigūñ gayā

aate the pahle mujh ko fusūñ zindagānī ke

jab se gayā hai vo mirā zauq-e-fusūñ gayā

maarā hai is tarah se mujhe hijr-e-yār ne

paikar se jaañ nikal ga.ī rag-rag se ḳhuuñ gayā

ye zindagī mujhe kare yuuñ hausla atā

koī tirā jo pūchh le hañs ke kahūñ gayā

shauq-e-junun ke waste dil ka sukun gaya

muTThi se jaise ret phisalti hai yun gaya

chashm-e-garan ne dam liya manzar-kashi se ab

aankhon ki bhuk miT gai shauq-e-darun gaya

charcha tha us ke shahr mein qatil nazar hai wo

us ki gali mein jo bhi gaya sar-nigun gaya

aate the pahle mujh ko fusun zindagani ke

jab se gaya hai wo mera zauq-e-fusun gaya

mara hai is tarah se mujhe hijr-e-yar ne

paikar se jaan nikal gai rag-rag se KHun gaya

ye zindagi mujhe kare yun hausla ata

koi tera jo puchh le hans ke kahun gaya