shiddat bahaar ki bhi gawara nahin mujhe

shiddat bahār kī bhī gavārā nahīñ mujhe

phūloñ ke toḌne kā bhī yaarā nahīñ mujhe

maujoñ se kheltā huuñ irādoñ kā daur hai

maujoñ meñ ārzū-e-kināra nahīñ mujhe

maiñ gir paḌā thā raah meñ chalte hue magar

phir bhī to dostoñ ne pukārā nahīñ mujhe

kis din chubhī nahīñ haiñ masā.ib kī kirchiyāñ

kis din tumhāre ġham ne sañvārā nahīñ mujhe

rahtā huuñ ārzūoñ ke chhoTe se shahr meñ

ḳhush huuñ ki ārzū-e-buḳhārā nahīñ mujhe

tum merī jaañ ho jaañ kā bharosā magar nahīñ

ya.anī ki e'tibār tumhārā nahīñ mujhe

shiddat bahaar ki bhi gawara nahin mujhe

phulon ke toDne ka bhi yara nahin mujhe

maujon se khelta hun iradon ka daur hai

maujon mein aarzu-e-kinara nahin mujhe

main gir paDa tha rah mein chalte hue magar

phir bhi to doston ne pukara nahin mujhe

kis din chubhi nahin hain masaib ki kirchiyan

kis din tumhaare gham ne sanwara nahin mujhe

rahta hun aarzuon ke chhoTe se shahr mein

KHush hun ki aarzu-e-buKHara nahin mujhe

tum meri jaan ho jaan ka bharosa magar nahin

yani ki e'tibar tumhaara nahin mujhe