shiddat-e-nafrat ho dil mein aur amal nafrin-tar

shiddat-e-nafrat ho dil meñ aur amal nafrīn-tar

ḳhud-baḳhud hote haiñ phir hālāt bhī sangīn-tar

itnī ashk-āvar nigāhoñ se milī bād-e-sabā

ho ga.ī hai shahr kī saarī fazā namkīn-tar

bāñTte the jo kabhī ab ḳhud savālī ban ga.e

dekhte hī dekhte sab ho ga.e miskīn-tar

jab kabhī is sar-zamīñ pe maiñ ne haq kī baat kī

apne hī ḳhuuñ se huā chehra mirā rañgīn-tar

shahr-e-dil kī har galī meñ nāla-o-fariyād hai

pahle dekhā thā use ġhamgīñ ab ġhamgīñ-tar

jaane kaise ho ga.ī kaḌvī samā.at ke liye

baat niklī thī agarche zer-e-lab shīrīn-tar

shauq-e-nazzāra meñ garche dil thā merā mubtalā

us ko phir terī tajallī ne kiyā shauqīn-tar

tamkanat apne suḳhan meñ thī bahut garche 'shakīl'

rafta rafta ho gayā merā suḳhan tamkīn-tar

shiddat-e-nafrat ho dil mein aur amal nafrin-tar

KHud-baKHud hote hain phir haalat bhi sangin-tar

itni ashk-awar nigahon se mili baad-e-saba

ho gai hai shahr ki sari faza namkin-tar

banTte the jo kabhi ab KHud sawali ban gae

dekhte hi dekhte sab ho gae miskin-tar

jab kabhi is sar-zamin pe main ne haq ki baat ki

apne hi KHun se hua chehra mera rangin-tar

shahr-e-dil ki har gali mein nala-o-fariyaad hai

pahle dekha tha use ghamgin ab ghamgin-tar

jaane kaise ho gai kaDwi samaat ke liye

baat nikli thi agarche zer-e-lab shirin-tar

shauq-e-nazzara mein garche dil tha mera mubtala

us ko phir teri tajalli ne kiya shauqin-tar

tamkanat apne suKHan mein thi bahut garche 'shakil'

rafta rafta ho gaya mera suKHan tamkin-tar