shiddat-e-ranj-o-alam mera muqaddar Thahri

shiddat-e-ranj-o-alam merā muqaddar Thahrī

shām-e-ġham haa.e sitam merā muqaddar Thahrī

dil kī duniyā meñ ye vīrāna nasība hai mirā

us pe phir aañkh ye nam merā muqaddar Thahrī

hālat-e-dil meñ tirā haath nahīñ hai koī

yahī barbādī sanam merā muqaddar Thahrī

zehn-o-dil sub.h-e-azal se haiñ giraftār-e-balā

ziist kī kākul-e-ḳham merā muqaddar Thahrī

na tirā lutf mire hisse meñ aaya zālim

na tirī chashm-e-karam merā muqaddar Thahrī

ḳhvāhish-e-sub.h-e-masarrat thī hamesha se mujhe

aur phir shām-e-alam merā muqaddar Thahrī

ai 'sanā' mujh ko charāġhoñ se shikāyat hī nahīñ

tīrgī-e-shab-e-ġham merā muqaddar Thahrī

shiddat-e-ranj-o-alam mera muqaddar Thahri

sham-e-gham hae sitam mera muqaddar Thahri

dil ki duniya mein ye virana nasiba hai mera

us pe phir aankh ye nam mera muqaddar Thahri

haalat-e-dil mein tera hath nahin hai koi

yahi barbaadi sanam mera muqaddar Thahri

zehn-o-dil subh-e-azal se hain giraftar-e-bala

zist ki kakul-e-KHam mera muqaddar Thahri

na tera lutf mere hisse mein aaya zalim

na teri chashm-e-karam mera muqaddar Thahri

KHwahish-e-subh-e-masarrat thi hamesha se mujhe

aur phir sham-e-alam mera muqaddar Thahri

ai 'sana' mujh ko charaghon se shikayat hi nahin

tirgi-e-shab-e-gham mera muqaddar Thahri