shiraaz ki mai marw ke yaqut sambhaale

shīrāz kī mai marv ke yāqūt sambhāle

maiñ koh-e-damāvand se aa pahuñchā himāle

hove to rahe shīsha-o-āhan kī hukūmat

kāñsī kī mirī teġh hai miTTī ke pyāle

har shaḳhs ba-andāz-e-digar vāsil-e-shak thā

uTThā maiñ tirī bazm se īqān sambhāle

ab ishq-e-navardī hī Thikāne se lagā.e

sho'la na jalā.e mujhe girdāb uchhāle

hone kī ḳhabar bhī na tirā hijr-zada de

bhar leve kabhī aah kabhī sham' jalā le

bose kā talazzuz ho kabhī tauf kī rāhat

armān mirā ye dil-e-kāfir bhī nikāle

ib.hām ke reshoñ se banā bāġh-e-taḳhayyul

ho jaa.e kabhī chashm-e-tahayyur ke havāle

shiraaz ki mai marw ke yaqut sambhaale

main koh-e-damawand se aa pahuncha himale

howe to rahe shisha-o-ahan ki hukumat

kansi ki meri tegh hai miTTi ke pyale

har shaKHs ba-andaz-e-digar wasil-e-shak tha

uTTha main teri bazm se iqan sambhaale

ab ishq-e-nawardi hi Thikane se lagae

sho'la na jalae mujhe girdab uchhaale

hone ki KHabar bhi na tera hijr-zada de

bhar lewe kabhi aah kabhi sham' jala le

bose ka talazzuz ho kabhi tauf ki rahat

arman mera ye dil-e-kafir bhi nikale

ibham ke reshon se bana bagh-e-taKHayyul

ho jae kabhi chashm-e-tahayyur ke hawale