shikar ho gaya wo KHud hi is zamane ka

shikār ho gayā vo ḳhud hī is zamāne kā

javāz DhūñD rahā thā mujhe miTāne kā

ye imtihān fan-e-āzarī se hai mansūb

tarāsh lījiye patthar koī Thikāne kā

kabhī rahā to nahīñ gardish-e-falak kā saath

kahāñ se sīkhā hai tum ne hunar satāne kā

mire ḳhulūs kā jis ko na e'tibār aayā

fareb khātā rahā umr bhar zamāne kā

jo ahl-e-dil haiñ vahī āzmā.e jaate haiñ

ajiib rañg hai qudrat ke kār-ḳhāne kā

jo a.alā zarf haiñ mālūm hai unheñ 'shāhīn'

salīqa chāhiye insāñ ko ġham uThāne kā

shikar ho gaya wo KHud hi is zamane ka

jawaz DhunD raha tha mujhe miTane ka

ye imtihan fan-e-azari se hai mansub

tarash lijiye patthar koi Thikane ka

kabhi raha to nahin gardish-e-falak ka sath

kahan se sikha hai tum ne hunar satane ka

mere KHulus ka jis ko na e'tibar aaya

fareb khata raha umr bhar zamane ka

jo ahl-e-dil hain wahi aazmae jate hain

ajib rang hai qudrat ke kar-KHane ka

jo aala zarf hain malum hai unhen 'shahin'

saliqa chahiye insan ko gham uThane ka