shikast-e-zat ka tufan bhi to dekhna tha

shikast-e-zāt kā tūfān bhī to dekhnā thā

phir apnī raat kā nuqsān bhī to dekhnā thā

guzasht-gān-e-tamanna ke zaḳhm dekh aa.e

hamāre ahd kā insān bhī to dekhnā thā

vo ḳhālī jazbe vo ḳhālī makāñ vo ḳhālī sadā

tamām shahr ko vīrān bhī to dekhnā thā

banā thā ab ke mohabbat kā ik nayā manshūr

junūñ meñ ab ke garebān bhī to dekhnā thā

jo chhoḌ aa.e vahī ruuh kī zarūrat thī

jo bach gayā thā vo sāmān bhī to dekhnā thā

jo ḳhālī haath hī lauT aa.e kar ke ghar kā tavāf

bharī nigāh se dālān bhī to dekhnā thā

shikast-e-zat ka tufan bhi to dekhna tha

phir apni raat ka nuqsan bhi to dekhna tha

guzasht-gan-e-tamanna ke zaKHm dekh aae

hamare ahd ka insan bhi to dekhna tha

wo KHali jazbe wo KHali makan wo KHali sada

tamam shahr ko viran bhi to dekhna tha

bana tha ab ke mohabbat ka ek naya manshur

junun mein ab ke gareban bhi to dekhna tha

jo chhoD aae wahi ruh ki zarurat thi

jo bach gaya tha wo saman bhi to dekhna tha

jo KHali hath hi lauT aae kar ke ghar ka tawaf

bhari nigah se dalan bhi to dekhna tha