shikasta KHwab ke malbe mein DhunDhta kya hai
shikasta ḳhvāb ke malbe meñ DhūñDhtā kyā hai
khañDar khañDar hai yahāñ dhuul ke sivā kyā hai
nazar kī dhund meñ haiñ bhūlī-bisrī tasvīreñ
palaT ke dekhne vaale ye dekhnā kyā hai
abhī to kaaT rahī hai har ek saañs kī dhaar
azal jab aa.e to dekhūñ ki intihā kyā hai
rahegī dhuup mire sar pe āḳhirī din tak
javāñ hai peḌ magar us kā aasrā kyā hai
tujhe pasand kahāñ haal pūchhnā merā
tirī nigāh meñ lekin savāl sā kyā hai
dhuāñ nahīñ na sahī aag to nazar aa.e
yuuñ chupke chupke sulagne se fā.eda kyā hai
udaas raat kī ḳhāmoshiyoñ meñ ai 'qaisar'
qarīb aatī huī duur kī sadā kyā hai
shikasta KHwab ke malbe mein DhunDhta kya hai
khanDar khanDar hai yahan dhul ke siwa kya hai
nazar ki dhund mein hain bhuli-bisri taswiren
palaT ke dekhne wale ye dekhna kya hai
abhi to kaT rahi hai har ek sans ki dhaar
azal jab aae to dekhun ki intiha kya hai
rahegi dhup mere sar pe aaKHiri din tak
jawan hai peD magar us ka aasra kya hai
tujhe pasand kahan haal puchhna mera
teri nigah mein lekin sawal sa kya hai
dhuan nahin na sahi aag to nazar aae
yun chupke chupke sulagne se faeda kya hai
udas raat ki KHamoshiyon mein ai 'qaisar'
qarib aati hui dur ki sada kya hai
- Book : Tridhara (Pg. 52)
- Author : Dr. Hari Kunwar Rai 'Kunwar'
- Publication : Dishantar Parkashan (1996)
- Edition : 1996
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
