shikasta lamhon ka tu waqt ko hisab na de
shikasta lamhoñ kā tū vaqt ko hisāb na de
havā ke haath meñ bikhrī huī kitāb na de
sulag rahā hai badan dhuup kī tamāzat se
bhaḌak uThūñgā mujhe chashma-e-sarāb na de
vo rañg-e-shab hai ki dhundlā ke rah ga.iiñ āñkheñ
in ā.inoñ ko abhī koī aks-e-ḳhvāb na de
tire vajūd se bāhar bhī ek duniyā hai
yuuñ apne aap ko tanhā.ī kā azaab na de
maiñ zindagī kī sadā aag bhī huuñ shabnam bhī
mire dukhoñ ko samajh yuuñ mujhe javāb na de
guzar na dil ke bayābāñ se abr kī sūrat
sukūt-e-dasht ko maujoñ kā iztirāb na de
mirī hayāt kā hāmil haiñ zard-rū patte
ḳhizāñ kā naqsh huuñ tū mujh ko āb-o-tāb na de
na chhup sakeñgī sadāqat kī talḳhiyāñ 'rāshid'
barahna shakl ko alfāz kī naqāb na de
shikasta lamhon ka tu waqt ko hisab na de
hawa ke hath mein bikhri hui kitab na de
sulag raha hai badan dhup ki tamazat se
bhaDak uThunga mujhe chashma-e-sarab na de
wo rang-e-shab hai ki dhundla ke rah gain aankhen
in aainon ko abhi koi aks-e-KHwab na de
tere wajud se bahar bhi ek duniya hai
yun apne aap ko tanhai ka azab na de
main zindagi ki sada aag bhi hun shabnam bhi
mere dukhon ko samajh yun mujhe jawab na de
guzar na dil ke bayaban se abr ki surat
sukut-e-dasht ko maujon ka iztirab na de
meri hayat ka hamil hain zard-ru patte
KHizan ka naqsh hun tu mujh ko aab-o-tab na de
na chhup sakengi sadaqat ki talKHiyan 'rashid'
barahna shakl ko alfaz ki naqab na de
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
