shikwa kis kis se karen sab hi sitamgar nikle

shikva kis kis se kareñ sab hī sitamgar nikle

na.e dushman to purāne se bhī baḌh kar nikle

dil kā aalam ki koī raas na aaya is ko

jaane kitne hī hasīñ pyaar ke manzar nikle

sāmne se to bahut pyaar jatāyā sab ne

muḌ ke dekhā to ka.ī piiTh pe ḳhanjar nikle

āsmāñ ko maiñ agar apnī hathelī pe rakhūñ

tab kahīñ jā ke mire qad ke barābar nikle

ḳhaak malte hue chaltī hai jahāñ kī azmat

ishq ke kūcha se jab koī qalandar nikle

kuchh bhī hāsil nahīñ hotā hai kināre pe kabhī

Duub jaa.eñ jo samundar meñ to gauhar nikle

jab se vīrān huī bastī mire sapnoñ kī

merī āñkhoñ se ka.ī surḳh samundar nikle

isī ummīd pe jiite haiñ jahāñ meñ ham log

kal kā din aaj kī us shaam se behtar nikle

'sāhiba' sīñchte haiñ ḳhūn-e-jigar se jis ko

hai ye mumkin ke vahī phuul bhī patthar nikle

shikwa kis kis se karen sab hi sitamgar nikle

nae dushman to purane se bhi baDh kar nikle

dil ka aalam ki koi ras na aaya is ko

jaane kitne hi hasin pyar ke manzar nikle

samne se to bahut pyar jataya sab ne

muD ke dekha to kai piTh pe KHanjar nikle

aasman ko main agar apni hatheli pe rakhun

tab kahin ja ke mere qad ke barabar nikle

KHak malte hue chalti hai jahan ki azmat

ishq ke kucha se jab koi qalandar nikle

kuchh bhi hasil nahin hota hai kinare pe kabhi

Dub jaen jo samundar mein to gauhar nikle

jab se viran hui basti mere sapnon ki

meri aankhon se kai surKH samundar nikle

isi ummid pe jite hain jahan mein hum log

kal ka din aaj ki us sham se behtar nikle

'sahiba' sinchte hain KHun-e-jigar se jis ko

hai ye mumkin ke wahi phul bhi patthar nikle