shikwe zaban pe aa saken is ka sawal hi na ho

shikve zabāñ pe aa sakeñ is kā savāl hī na ho

un se jafā kā zikr kyā jin ko ḳhayāl hī na ho

dil hī to hai zabāñ nahīñ shikva nahīñ kareñge ham

lekin ye shart kis liye jī ko malāl hī na ho

mizhgāñ pe vaañ nigāh-e-lutf hoñToñ pe yaañ hadīs-e-shauq

apne hudūd se baḌheñ is kī majāl hī na ho

shauq ko intizār-e-lutf lutf ko intizār-e-shauq

baat bane bhī kyā jahāñ pursish-e-hāl hī na ho

Thes ġhurūr ko lagī qahr banī nigāh-e-lutf

qahr bhī zid se to amaañ jis ko zavāl hī na ho

lutf na thā jise nasīb qahr kī taab laa.e kyuuñ

ishq kī ḳhud-farebiyāñ jaise ḳhayāl hī na ho

'hāmid'-e-nau-asīr se charḳh-e-kuhan ne kyā kahā

hai vo hayāt rā.egāñ jo pā.emāl hī na ho

shikwe zaban pe aa saken is ka sawal hi na ho

un se jafa ka zikr kya jin ko KHayal hi na ho

dil hi to hai zaban nahin shikwa nahin karenge hum

lekin ye shart kis liye ji ko malal hi na ho

mizhgan pe wan nigah-e-lutf honTon pe yan hadis-e-shauq

apne hudud se baDhen is ki majal hi na ho

shauq ko intizar-e-lutf lutf ko intizar-e-shauq

baat bane bhi kya jahan pursish-e-haal hi na ho

Thes ghurur ko lagi qahr bani nigah-e-lutf

qahr bhi zid se to aman jis ko zawal hi na ho

lutf na tha jise nasib qahr ki tab lae kyun

ishq ki KHud-farebiyan jaise KHayal hi na ho

'hamid'-e-nau-asir se charKH-e-kuhan ne kya kaha

hai wo hayat raegan jo paemal hi na ho