shor-e-tufan-e-hawa hai be-aman sunte raho

shor-e-tūfān-e-havā hai be-amāñ sunte raho

band kūchoñ meñ ravāñ hai ḳhūn-e-jāñ sunte raho

kaan sun hone lage haiñ apne gosh-e-hosh se

surḳh pariyoñ kī sadā dāman-kashāñ sunte raho

garmi-e-āvāz ko shola banā kar phuul sā

duur tak hadd-e-nazar tak rā.egāñ sunte raho

shorish-e-bahr-e-karam meñ māhi-e-mish.al kahāñ

jism-e-shab meñ din kī dhaḌkan be-gumāñ sunte raho

gāḌhī tārīkī meñ bhārī barg-e-ḳhvāhish kī mahak

misl kauñde ke makāñ andar makāñ sunte raho

shor-e-tufan-e-hawa hai be-aman sunte raho

band kuchon mein rawan hai KHun-e-jaan sunte raho

kan sun hone lage hain apne gosh-e-hosh se

surKH pariyon ki sada daman-kashan sunte raho

garmi-e-awaz ko shola bana kar phul sa

dur tak hadd-e-nazar tak raegan sunte raho

shorish-e-bahr-e-karam mein mahi-e-mishal kahan

jism-e-shab mein din ki dhaDkan be-guman sunte raho

gaDhi tariki mein bhaari barg-e-KHwahish ki mahak

misl kaunde ke makan andar makan sunte raho