shor hai us sabza-e-ruKHsar ka

shor hai us sabza-e-ruḳhsār kā

aaj tuutī boltā hai yaar kā

kis adā se haath rakkhā qabze par

paḌ gayā putlī meñ dam talvār kā

ashk-e-be-tāsīr se huuñ aab aab

uqda huuñ maiñ āñsuoñ ke taar kā

bujh gayā merā charāġh-e-zindagī

dekh kar vo qumquma ruḳhsār kā

kis maraz kī hai davā unnāb-e-lab

ḳhatt-e-ruḳh nusḳha hai kis bīmār kā

ab kī aisī haar hai fasl-e-bahār

gul hai but-ḳhāla zabān-e-ḳhār kā

abrū-e-ġhilmāñ hai vo mehrāb-e-dar

zulf-e-hūrā saaya hai dīvār kā

lene vaale le ga.e hosh-o-havās

bik gayā saudā mire bāzār kā

jab maiñ niklā ḳhalq ne gherā mujhe

merā saudā qarz hai bāzār kā

jūu-e-jannat hai chehre sayyād kī

merī gardan par hai haq gulzār kā

āb-kārī kī ho ḳhidmat 'bahr' ko

nā-ḳhudā hai kashtī-e-mai-ḳhvār kā

shor hai us sabza-e-ruKHsar ka

aaj tuti bolta hai yar ka

kis ada se hath rakkha qabze par

paD gaya putli mein dam talwar ka

ashk-e-be-tasir se hun aab aab

uqda hun main aansuon ke tar ka

bujh gaya mera charagh-e-zindagi

dekh kar wo qumquma ruKHsar ka

kis maraz ki hai dawa unnab-e-lab

KHatt-e-ruKH nusKHa hai kis bimar ka

ab ki aisi haar hai fasl-e-bahaar

gul hai but-KHala zaban-e-KHar ka

abru-e-ghilman hai wo mehrab-e-dar

zulf-e-hura saya hai diwar ka

lene wale le gae hosh-o-hawas

bik gaya sauda mere bazar ka

jab main nikla KHalq ne ghera mujhe

mera sauda qarz hai bazar ka

juu-e-jannat hai chehre sayyaad ki

meri gardan par hai haq gulzar ka

aab-kari ki ho KHidmat 'bahr' ko

na-KHuda hai kashti-e-mai-KHwar ka