shor-sharaba chhoD ke pahuncha virani tak

shor-sharāba chhoḌ ke pahuñchā vīrānī tak

chalte chalte chhūT gayā dāna-pānī tak

aag ne mujh se haath milāyā ghar aa baiThī

āñkheñ phāḌe dekh rahī hai hairānī tak

Duub ga.e to saarī duniyā burā kahegī

dekho mujh meñ paaoñ na rakhnā tuġhyānī tak

itnā āsāñ to nahīñ us kā vāpas honā

bech ke īmāñ pahuñchā hai be-īmānī tak

sub.h ko uTh kar dekhā to mujh par raaz khulā ye

chāñd kī saarī shohrat hai bas tābānī tak

ham to ham haiñ tājvaroñ par ro.ab vo chhāyā

paaoñ pe us ke rakh diye tāj-e-sultānī tak

aag dar-o-dīvār ḳhirad ko raakh banā.e

kuchh na bache to ham ko pahuñchā.e paanī tak

sharm se koī marnā chāhe to bhī kare kyā

'yāvar' ab nāyāb hai chullū-bhar paanī tak

shor-sharaba chhoD ke pahuncha virani tak

chalte chalte chhuT gaya dana-pani tak

aag ne mujh se hath milaya ghar aa baiThi

aankhen phaDe dekh rahi hai hairani tak

Dub gae to sari duniya bura kahegi

dekho mujh mein paon na rakhna tughyani tak

itna aasan to nahin us ka wapas hona

bech ke iman pahuncha hai be-imani tak

subh ko uTh kar dekha to mujh par raaz khula ye

chand ki sari shohrat hai bas tabani tak

hum to hum hain tajwaron par roab wo chhaya

paon pe us ke rakh diye taj-e-sultani tak

aag dar-o-diwar KHirad ko rakh banae

kuchh na bache to hum ko pahunchae pani tak

sharm se koi marna chahe to bhi kare kya

'yawar' ab nayab hai chullu-bhar pani tak