shorish-e-beganagi ki ibtida humse hui

shorish-e-begānagī kī ibtidā ham se huī

paas rah kar duur rahne kī ḳhatā ham se huī

zindagī meñ kaun se ham se gunah sarzad hue

kyoñ tirī chashm-e-karam nā-āshnā ham se huī

māsivā-e-dīd terī ham ne kuchh chāhā na thā

kis ne kī thī iltijā kab iltijā ham se huī

tere dar par mere sajde dard se labrez the

aise meñ tauhīn kyūñkar jā-ba-jā ham se huī

log apnā hāl-e-dil gītoñ meñ karte haiñ bayāñ

ishq meñ to ibtidā hamd-o-sanā ham se huī

jaan lete rāz-e-hastī rāz-e-haq hotā agar

terī qudrat yuuñ to sūrat-āshnā ham se huī

dil hī thā jo ranj-o-ġham meñ shor-o-shar kartā rahā

fart-e-ġham meñ shorish-e-arz-o-samā ham se huī

āshiyāñ ujḌā guloñ ke chehre murjhā.e 'rafīq'

kyā gunah-ālūda ye bād-e-sabā ham se huī

shorish-e-beganagi ki ibtida hum se hui

pas rah kar dur rahne ki KHata hum se hui

zindagi mein kaun se hum se gunah sarzad hue

kyon teri chashm-e-karam na-ashna hum se hui

masiwa-e-did teri hum ne kuchh chaha na tha

kis ne ki thi iltija kab iltija hum se hui

tere dar par mere sajde dard se labrez the

aise mein tauhin kyunkar ja-ba-ja hum se hui

log apna haal-e-dil giton mein karte hain bayan

ishq mein to ibtida hamd-o-sana hum se hui

jaan lete raaz-e-hasti raaz-e-haq hota agar

teri qudrat yun to surat-ashna hum se hui

dil hi tha jo ranj-o-gham mein shor-o-shar karta raha

fart-e-gham mein shorish-e-arz-o-sama hum se hui

aashiyan ujDa gulon ke chehre murjhae 'rafiq'

kya gunah-aluda ye baad-e-saba hum se hui