shuur-e-ilm-o-hunar dars-e-agahi ke liye

shu.ūr-e-ilm-o-hunar dars-e-āgahī ke liye

matā-e-hosh baḌī shai hai aadmī ke liye

koī bhī aarzū dil kī na ho sakī puurī

ḳhudā rahīm hai shāyad kisī kisī ke liye

yahī taqāzā-e-fitrat yahī hai rāz-e-hayāt

ḳhulūs chāhiye insāñ meñ har kisī ke liye

lahū se apne farozāñ rakho charāġhoñ ko

ye ehtimām zarūrī hai tīrgī ke liye

ulaT bhī dījiye ruḳh se naqāb-e-nīm-shabī

añdhere kab se haiñ betāb raushnī ke liye

pata nahīñ jinheñ kyā shai ye lazzat-e-ġham hai

malūl hī unheñ paayā shaguftagī ke liye

mirā shu.ūr mujhe roktā hai ai 'zākir'

koī baḌhātā hai jab haath dostī ke liye

shuur-e-ilm-o-hunar dars-e-agahi ke liye

mata-e-hosh baDi shai hai aadmi ke liye

koi bhi aarzu dil ki na ho saki puri

KHuda rahim hai shayad kisi kisi ke liye

yahi taqaza-e-fitrat yahi hai raaz-e-hayat

KHulus chahiye insan mein har kisi ke liye

lahu se apne farozan rakho charaghon ko

ye ehtimam zaruri hai tirgi ke liye

ulaT bhi dijiye ruKH se naqab-e-nim-shabi

andhere kab se hain betab raushni ke liye

pata nahin jinhen kya shai ye lazzat-e-gham hai

malul hi unhen paya shaguftagi ke liye

mera shuur mujhe rokta hai ai 'zakir'

koi baDhata hai jab hath dosti ke liye