shuur-e-ishq hasil ho to jine ka shiar aae

shu.ūr-e-ishq hāsil ho to jiine kā shi.ār aa.e

hamāre bāzūoñ meñ āsmān-e-be-hisār aa.e

bahut chāhā mileñ peḌoñ ke saa.e saath phūloñ kā

mire hisse meñ lekin zindagī ke reg-zār aa.e

khulā ham par ki e.azāz-e-shahādat ham ko milnā hai

gharoñ ghar dastakeñ de diiñ galī kūcha pukār aa.e

asā himmat kā apnī har jagah rasta banā degā

hamāre sāmne naddī paḌe yā kohsār aa.e

agar ye tai nahīñ hai phuul ham ko mil hī jā.eñge

to phir behtar yahī hai ham ko zaḳhmoñ kā shumār aa.e

tahoñ meñ so rahā hai ik talātum ārzūoñ kā

samundar chāñd ko dekhe to maujoñ meñ ubhār aa.e

'niyāz' ek kaam thā sar de ke karne kā so kar Daalā

fasīl-e-shahr se bātil kā parcham ham utaar aa.e

shuur-e-ishq hasil ho to jine ka shiar aae

hamare bazuon mein aasman-e-be-hisar aae

bahut chaha milen peDon ke sae sath phulon ka

mere hisse mein lekin zindagi ke reg-zar aae

khula hum par ki eazaz-e-shahadat hum ko milna hai

gharon ghar dastaken de din gali kucha pukar aae

asa himmat ka apni har jagah rasta bana dega

hamare samne naddi paDe ya kohsar aae

agar ye tai nahin hai phul hum ko mil hi jaenge

to phir behtar yahi hai hum ko zaKHmon ka shumar aae

tahon mein so raha hai ek talatum aarzuon ka

samundar chand ko dekhe to maujon mein ubhaar aae

'niyaz' ek kaam tha sar de ke karne ka so kar Dala

fasil-e-shahr se baatil ka parcham hum utar aae