sidrat-ul-wasl ke sae ka talabgar hun main

sidrat-ul-vasl ke saa.e kā talabgār huuñ maiñ

tapish-e-hijr meñ barsoñ se giraftār huuñ maiñ

jā kisī aur ko jā dhamkiyāñ de mārne kī

jab se maiñ paidā huā tab se sar-e-dār huuñ maiñ

merā paiġhām bhalā teġh kahāñ rokegī

hākim-e-vaqt ko batlāo qalam-kār huuñ maiñ

maiñ ne to rab ko bhī puujā hai aur us yaar ko bhī

vā.izā tū hī batā kis kā gunahgār huuñ maiñ

manzil-e-zīst kahāñ manzil-e-maqsūd 'vaqār'

ik surayyā-e-mohabbat kā talabgār huuñ maiñ

sidrat-ul-wasl ke sae ka talabgar hun main

tapish-e-hijr mein barson se giraftar hun main

ja kisi aur ko ja dhamkiyan de marne ki

jab se main paida hua tab se sar-e-dar hun main

mera paigham bhala tegh kahan rokegi

hakim-e-waqt ko batlao qalam-kar hun main

main ne to rab ko bhi puja hai aur us yar ko bhi

waiza tu hi bata kis ka gunahgar hun main

manzil-e-zist kahan manzil-e-maqsud 'waqar'

ek surayya-e-mohabbat ka talabgar hun main