sina figar chaak jigar kuchh na puchhiye

siina figār chaak jigar kuchh na pūchhiye

uftād-hā-e-shām-o-sahar kuchh na pūchhiye

kyūñkar huī hai ziist basar kuchh na pochhiye

kyūñkar kaTe haiñ shām-o-sahar kuchh na pūchhiye

kaTne ko yuuñ to kaT hī ga.ī umr-e-ġham magar

kitnā tavīl thā ye safar kuchh na pūchhiye

phir ālam-e-ḳhayāl meñ aa.e vo be-naqāb

kyoñ aah meñ huā hai asar kuchh na pūchhiye

ham kab se jal rahe haiñ tamanna meñ aap kī

misl-e-charāġh-e-rāhguzar kuchh na pūchhiye

hosh-o-havās kho ga.ī vo chashm-e-avvalīñ

anjām-e-jalva-hā-e-digar kuchh na pūchhiye

sehn-e-chaman meñ aa.ī ye kaisī bahār-e-gul

kyoñ nāla-zan haiñ barg-o-shajar kuchh na pūchhiye

kyoñ baḌh ke le liye mire manzil ne ḳhud qadam

jab bhī kiyā hai azm-e-safar kuchh na pūchhiye

'nayyar' kisī ne ruḳh se jo ulTā zarā naqāb

kyoñ bujh gayā charāġh-e-sahar kuchh na pūchhiye

sina figar chaak jigar kuchh na puchhiye

uftad-ha-e-sham-o-sahar kuchh na puchhiye

kyunkar hui hai zist basar kuchh na pochhiye

kyunkar kaTe hain sham-o-sahar kuchh na puchhiye

kaTne ko yun to kaT hi gai umr-e-gham magar

kitna tawil tha ye safar kuchh na puchhiye

phir aalam-e-KHayal mein aae wo be-naqab

kyon aah mein hua hai asar kuchh na puchhiye

hum kab se jal rahe hain tamanna mein aap ki

misl-e-charagh-e-rahguzar kuchh na puchhiye

hosh-o-hawas kho gai wo chashm-e-awwalin

anjam-e-jalwa-ha-e-digar kuchh na puchhiye

sehn-e-chaman mein aai ye kaisi bahaar-e-gul

kyon nala-zan hain barg-o-shajar kuchh na puchhiye

kyon baDh ke le liye mere manzil ne KHud qadam

jab bhi kiya hai azm-e-safar kuchh na puchhiye

'nayyar' kisi ne ruKH se jo ulTa zara naqab

kyon bujh gaya charagh-e-sahar kuchh na puchhiye