sine mein tufan hai bhai

siine meñ tūfān hai bhaa.ī

hoñToñ pe muskān hai bhaa.ī

andar kuchh hai bāhar kuchh hai

ye kaisā insān hai bhaa.ī

dil ke andar kufr bharā hai

hāthoñ meñ qur.ān hai bhaa.ī

bol tirī auqāt batā duuñ

pesh-e-nazar dīvān hai bhaa.ī

qaabū meñ dil aaj nahīñ hai

bārish kā imkān hai bhaa.ī

kitne ā.īne toḌegā

be-chehra hairān hai bhaa.ī

ek ġhalat insān kī ḳhātir

bastī meñ haijān hai bhaa.ī

maiḳhāne ābād haiñ har-sū

aur masjid vīrān hai bhaa.ī

kitnī yādeñ dafn haiñ is meñ

dil bhī qabristān hai bhaa.ī

shaitānoñ ko chhūT milī hai

mushkil meñ insān hai bhaa.ī

sham.a 'zamīr' ik bhī nahīñ raushan

ḳhāna-e-dil vīrān hai bhaa.ī

sine mein tufan hai bhai

honTon pe muskan hai bhai

andar kuchh hai bahar kuchh hai

ye kaisa insan hai bhai

dil ke andar kufr bhara hai

hathon mein quran hai bhai

bol teri auqat bata dun

pesh-e-nazar diwan hai bhai

qabu mein dil aaj nahin hai

barish ka imkan hai bhai

kitne aaine toDega

be-chehra hairan hai bhai

ek ghalat insan ki KHatir

basti mein haijaan hai bhai

maiKHane aabaad hain har-su

aur masjid viran hai bhai

kitni yaaden dafn hain is mein

dil bhi qabristan hai bhai

shaitanon ko chhuT mili hai

mushkil mein insan hai bhai

shama 'zamir' ek bhi nahin raushan

KHana-e-dil viran hai bhai