sine se tir-e-yar ka paikan nikal gaya

siine se tīr-e-yār kā paikāñ nikal gayā

afsos ghar meñ aan ke mehmāñ nikal gayā

hairāñ huuñ maiñ batā to huā jis pe tū ḳhafā

kyā aisā mere muñh se mirī jaañ nikal gayā

kuchh chāshnī-e-ishq se vāqif thā qais so

dīvāna ho ke sū-e-bayābāñ nikal gayā

ashkoñ ke saath siine se le ab to rahm kar

ḳhuuñ ho ke dil bhī dīda-e-giryāñ nikal gayā

tīr-e-nigāh-e-yār kā kyā hogā toḌ jab

siine ke paar yaar kā paikāñ nikal gayā

baḳhshish ko us kī dekh ke sab dil se ḳhauf-e-hashr

muzhda ho ai nadāmat-e-isyāñ nikal gayā

vo chhūTtā hai qaid se hastī kī jo koī

ho bū-e-gul kī tarah se uryāñ nikal gayā

ai 'aish' jā-e-ġhaur hai shikva ho us kā kyā

insāniyat se apnī jo insāñ nikal gayā

sine se tir-e-yar ka paikan nikal gaya

afsos ghar mein aan ke mehman nikal gaya

hairan hun main bata to hua jis pe tu KHafa

kya aisa mere munh se meri jaan nikal gaya

kuchh chashni-e-ishq se waqif tha qais so

diwana ho ke su-e-bayaban nikal gaya

ashkon ke sath sine se le ab to rahm kar

KHun ho ke dil bhi dida-e-giryan nikal gaya

tir-e-nigah-e-yar ka kya hoga toD jab

sine ke par yar ka paikan nikal gaya

baKHshish ko us ki dekh ke sab dil se KHauf-e-hashr

muzhda ho ai nadamat-e-isyan nikal gaya

wo chhuTta hai qaid se hasti ki jo koi

ho bu-e-gul ki tarah se uryan nikal gaya

ai 'aish' ja-e-ghaur hai shikwa ho us ka kya

insaniyat se apni jo insan nikal gaya