sirf ek shikayat hai nahin koi gila aur

sirf ek shikāyat hai nahīñ koī gila aur

kahne ko kahā aur to karne ko kiyā aur

ye apne ḳhudāvand se bichhḌā huā banda

puujā ke liye roz banātā hai ḳhudā aur

is daur meñ jo ishq kare soch le pahle

ye aur zamāna hai zamāne kī havā aur

bhīgī huī palkeñ hoñ to phailā huā dāman

mā.il-ba-karam vo hoñ to phir chāhiye kyā aur

ye ham hī samajhte haiñ ḳhatā ham se huī kyā

haiñ dār-o-rasan hech ki hai is kī sazā aur

ab manzil-e-jānāñ ke kaThin moḌ haiñ aage

ab rāh-numā aur hudī aur dirā aur

sayyād tire daam ko pahchān ga.e said

ab daam bichhā aur koī daana girā aur

apnāo na tum aam hasīnoñ kī adā.eñ

uslūb-e-sitam aur koī tarz-e-jafā aur

chāra ġham-e-jānāñ kā tabīboñ se na hogā

kahte haiñ ki is dard kī hai koī davā aur

gulshan kī fazāoñ meñ bhī kar dekheñ uḌāneñ

yaañ kunj-e-qafas meñ hai phaḌakne kā mazā aur

hotā hai kabhī yuuñ bhī mohabbat ke jahāñ meñ

karte haiñ ḳhatā aur to hotī hai atā aur

sirf ek shikayat hai nahin koi gila aur

kahne ko kaha aur to karne ko kiya aur

ye apne KHudawand se bichhDa hua banda

puja ke liye roz banata hai KHuda aur

is daur mein jo ishq kare soch le pahle

ye aur zamana hai zamane ki hawa aur

bhigi hui palken hon to phaila hua daman

mail-ba-karam wo hon to phir chahiye kya aur

ye hum hi samajhte hain KHata hum se hui kya

hain dar-o-rasan hech ki hai is ki saza aur

ab manzil-e-jaanan ke kaThin moD hain aage

ab rah-numa aur hudi aur dira aur

sayyaad tere dam ko pahchan gae said

ab dam bichha aur koi dana gira aur

apnao na tum aam hasinon ki adaen

uslub-e-sitam aur koi tarz-e-jafa aur

chaara gham-e-jaanan ka tabibon se na hoga

kahte hain ki is dard ki hai koi dawa aur

gulshan ki fazaon mein bhi kar dekhen uDanen

yan kunj-e-qafas mein hai phaDakne ka maza aur

hota hai kabhi yun bhi mohabbat ke jahan mein

karte hain KHata aur to hoti hai ata aur