sirf thoDi si hai ana mujh mein
sirf thoḌī sī hai anā mujh meñ
varna baaqī hai bas ḳhalā mujh meñ
andar andar mujhe ye khātī hai
ek bhūkī sī hai balā mujh meñ
Dhah rahā huuñ maiñ ik khañDar kī tarah
ik bhaTaktī hai aatmā mujh meñ
ab har ik baat par maiñ raazī huuñ
jaane ye kaun mar gayā mujh meñ
merī āvārgī se ghabrā kar
muḌ gayā merā rāsta mujh meñ
dekh kar mujh ko is qadar ḳhāmosh
ek dariyā utar gayā mujh meñ
maiñ ne qaabū meñ us ko rakkhā hai
vo jo rahtā hai sar-phirā mujh meñ
maiñ thā aisā kahāñ 'suhail' kabhī
ab to hai koī dūsrā mujh meñ
sirf thoDi si hai ana mujh mein
warna baqi hai bas KHala mujh mein
andar andar mujhe ye khati hai
ek bhuki si hai bala mujh mein
Dhah raha hun main ek khanDar ki tarah
ek bhaTakti hai aatma mujh mein
ab har ek baat par main raazi hun
jaane ye kaun mar gaya mujh mein
meri aawargi se ghabra kar
muD gaya mera rasta mujh mein
dekh kar mujh ko is qadar KHamosh
ek dariya utar gaya mujh mein
main ne qabu mein us ko rakkha hai
wo jo rahta hai sar-phira mujh mein
main tha aisa kahan 'suhail' kabhi
ab to hai koi dusra mujh mein
- Book : Ghazal Ke Rang (Pg. 205)
- Author : Akram Naqqash, Sohil Akhtar
- Publication : Aflaak Publications, Gulbarga (2014)
- Edition : 2014
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
