sitaron mein wo bahaaron mein wo fazaon mein bhi wahi dikhe hai

sitāroñ meñ vo bahāroñ meñ vo fazāoñ meñ bhī vahī dikhe hai

khulā khulā sā hai ik jo chehra hazāroñ meñ bhī vahī dikhe hai

ye huuk kaisī kasak ye kaisī taḌap ye kaisī koī batā.e

na man lage ab kahīñ kidhar bhī kitāboñ meñ bhī vahī dikhe hai

ye dil ke tāroñ ko kis ne chheḌā ye kaisī sargam sunā.ī kis ne

kashish ye kaisī ye kaisā jaadū ḳhayāloñ meñ bhī vahī dikhe hai

adāoñ meñ vo vafāoñ meñ vo sadāoñ meñ vo du'āoñ meñ vo

vo dhaḌkanoñ meñ hai saañs meñ vo nigāhoñ meñ bhī vahī dikhe hai

ye 'ishq hai yā ye 'āshiqī hai ki sūfiyāna hai pyaar koī

hai kaun jo sab batā.e mujh ko savāloñ meñ bhī vahī dikhe hai

kahāñ kahāñ tak maiñ us ko DhūñDhuñ kahāñ kahāñ tak maiñ us ko jānūñ

vo kā'ba kāshī vo masjidoñ meñ shivāloñ meñ bhī vahī dikhe hai

vahī ḳhudā hai vahī hai dilbar vo merā prītam vo merā īshvar

zamīñ se le kar vo āsmāñ tak havāoñ meñ bhī vahī dikhe hai

sitaron mein wo bahaaron mein wo fazaon mein bhi wahi dikhe hai

khula khula sa hai ek jo chehra hazaron mein bhi wahi dikhe hai

ye huk kaisi kasak ye kaisi taDap ye kaisi koi batae

na man lage ab kahin kidhar bhi kitabon mein bhi wahi dikhe hai

ye dil ke taron ko kis ne chheDa ye kaisi sargam sunai kis ne

kashish ye kaisi ye kaisa jadu KHayalon mein bhi wahi dikhe hai

adaon mein wo wafaon mein wo sadaon mein wo du'aon mein wo

wo dhaDkanon mein hai sans mein wo nigahon mein bhi wahi dikhe hai

ye 'ishq hai ya ye 'ashiqi hai ki sufiyana hai pyar koi

hai kaun jo sab batae mujh ko sawalon mein bhi wahi dikhe hai

kahan kahan tak main us ko DhunDhun kahan kahan tak main us ko jaanun

wo ka'ba kashi wo masjidon mein shiwalon mein bhi wahi dikhe hai

wahi KHuda hai wahi hai dilbar wo mera pritam wo mera ishwar

zamin se le kar wo aasman tak hawaon mein bhi wahi dikhe hai