sitam-gar ke sitam par nauha-KHwani kar nahin sakte

sitam-gar ke sitam par nauha-ḳhvānī kar nahīñ sakte

hai ye ik kārobār-e-rā.egānī kar nahīñ sakte

zarā ye valvale thāmo ki manzil aane vaalī hai

abhī ham rāstoñ se bad-zabānī kar nahīñ sakte

hamesha apnā maqsad bhuul jaane vaale ye kirdār

mukammal is tarah koī kahānī kar nahīñ sakte

hasīñ ho bā-vafā ho rasm-e-ulfat bhī samajhte ho

kamī bas ye hai tum patthar ko paanī kar nahīñ sakte

madad kyoñ māñgte ho ham se tum haq kī tarah māñgo

mohabbat kar rahe haiñ mehrbānī kar nahīñ sakte

ye panchhī be-zabāñ haiñ is liye āzād uḌte haiñ

ye apne mālikoñ kī ḳhush-bayānī kar nahīñ sakte

palaT kar aa rahe haiñ phir se ḳhud kī dastaras meñ ham

ye duniyā vaale apnī mezbānī kar nahīñ sakte

sipāhī chāhte the dushmanoñ se jañg ho jaa.e

sabhī ne bādshāh kī baat maanī kar nahīñ sakte

sitam-gar ke sitam par nauha-KHwani kar nahin sakte

hai ye ek karobar-e-raegani kar nahin sakte

zara ye walwale thamo ki manzil aane wali hai

abhi hum raston se bad-zabani kar nahin sakte

hamesha apna maqsad bhul jaane wale ye kirdar

mukammal is tarah koi kahani kar nahin sakte

hasin ho ba-wafa ho rasm-e-ulfat bhi samajhte ho

kami bas ye hai tum patthar ko pani kar nahin sakte

madad kyon mangte ho hum se tum haq ki tarah mango

mohabbat kar rahe hain mehrbani kar nahin sakte

ye panchhi be-zaban hain is liye aazad uDte hain

ye apne malikon ki KHush-bayani kar nahin sakte

palaT kar aa rahe hain phir se KHud ki dastaras mein hum

ye duniya wale apni mezbani kar nahin sakte

sipahi chahte the dushmanon se jang ho jae

sabhi ne baadshah ki baat mani kar nahin sakte