sitam-gar ko main chaara-gar kah raha hun

sitam-gar ko maiñ chāra-gar kah rahā huuñ

ġhalat kah rahā huuñ magar kah rahā huuñ

butoñ meñ use jalva-gar kah rahā huuñ

baḌī baat hai muḳhtasar kah rahā huuñ

mujhe aaj kāñToñ ke muñh chūmne do

bahāroñ kā ruḳh dekh kar kah rahā huuñ

ye māthe pe shikneñ ye dāñtoñ meñ āñchal

to afsāna-e-mo'tabar kah rahā huuñ

usī vaqt aatī haiñ chehre pe zulfeñ

unheñ jab meñ nūr-e-sahar kah rahā huuñ

zamāne ke muñh par zamāne kī bāteñ

samajhne lagā huuñ agar kah rahā huuñ

ye dīvāngī hai ki hālāt haa.el

vo sunte nahīñ haiñ magar kah rahā huuñ

itaab o taġhāful hī achchhe the mujh ko

ma.āl-e-karam dekh kar kah rahā huuñ

jabhī 'shād' shā.er ko kahte haiñ jhūTā

ḳhizāñ meñ bhī maiñ sher-e-tar kah rahā huuñ

sitam-gar ko main chaara-gar kah raha hun

ghalat kah raha hun magar kah raha hun

buton mein use jalwa-gar kah raha hun

baDi baat hai muKHtasar kah raha hun

mujhe aaj kanTon ke munh chumne do

bahaaron ka ruKH dekh kar kah raha hun

ye mathe pe shiknen ye danton mein aanchal

to afsana-e-mo'tabar kah raha hun

usi waqt aati hain chehre pe zulfen

unhen jab mein nur-e-sahar kah raha hun

zamane ke munh par zamane ki baaten

samajhne laga hun agar kah raha hun

ye diwangi hai ki haalat hael

wo sunte nahin hain magar kah raha hun

itab o taghaful hi achchhe the mujh ko

maal-e-karam dekh kar kah raha hun

jabhi 'shad' shaer ko kahte hain jhuTa

KHizan mein bhi main sher-e-tar kah raha hun