sitam jaur-o-jafa sab kuchh gawara kar liya maine

sitam jaur-o-jafā sab kuchh gavārā kar liyā maiñ ne

bachā kar un kā dāman ḳhud ko sajda kar liyā maiñ ne

mire hī sāmne jab barq ne phūñkā nasheman ko

ghaḌī bhar ke liye vo bhī nazāra kar liyā maiñ ne

baḌhī jab be-ḳhudī had se huā kyā phir ḳhudā jaane

unheñ sajda kiyā yā ḳhud ko sajda kar liyā maiñ ne

yahāñ to daad muñh dekhe kī miltī hai isī ḳhātir

suḳhan-dānoñ kī mahfil se kinārā kar liyā maiñ ne

'asar' rāh-e-vafā meñ ik maqām aisā bhī aaya thā

vahāñ pe jān-o-dil kā hañs ke saudā kar liyā maiñ ne

vahī nāgin kā kal tak zikr thā saare zamāne meñ

usī ko ab 'asar' kahte haiñ apnā kar liyā maiñ ne

sitam jaur-o-jafa sab kuchh gawara kar liya main ne

bacha kar un ka daman KHud ko sajda kar liya main ne

mere hi samne jab barq ne phunka nasheman ko

ghaDi bhar ke liye wo bhi nazara kar liya main ne

baDhi jab be-KHudi had se hua kya phir KHuda jaane

unhen sajda kiya ya KHud ko sajda kar liya main ne

yahan to dad munh dekhe ki milti hai isi KHatir

suKHan-danon ki mahfil se kinara kar liya main ne

'asar' rah-e-wafa mein ek maqam aisa bhi aaya tha

wahan pe jaan-o-dil ka hans ke sauda kar liya main ne

wahi nagin ka kal tak zikr tha sare zamane mein

usi ko ab 'asar' kahte hain apna kar liya main ne