siyah hoti hui raat par nazar rakhna

siyāh hotī huī raat par nazar rakhnā

har ek pahlū har ik baat par nazar rakhnā

na jaane kis ghaḌī koī ujaaḌ de bastī

ḳhudā ke vāste hālāt par nazar rakhnā

abhī jo dost haiñ dushman vo ban bhī sakte haiñ

tum un ke badle ḳhayālāt par nazar rakhnā

kahīñ girā na de kachche makān ko tere

bahut zarūrī hai barsāt par nazar rakhnā

badal na jaa.eñ kahīñ dekh kar sitamgar ko

tum apne aap ke jazbāt pe nazar rakhnā

fazā meñ zahr jo ghole zabān se apnī

tum aisī 'sād' har ik zaat pe nazar rakhnā

siyah hoti hui raat par nazar rakhna

har ek pahlu har ek baat par nazar rakhna

na jaane kis ghaDi koi ujaD de basti

KHuda ke waste haalat par nazar rakhna

abhi jo dost hain dushman wo ban bhi sakte hain

tum un ke badle KHayalat par nazar rakhna

kahin gira na de kachche makan ko tere

bahut zaruri hai barsat par nazar rakhna

badal na jaen kahin dekh kar sitamgar ko

tum apne aap ke jazbaat pe nazar rakhna

faza mein zahr jo ghole zaban se apni

tum aisi 'sad' har ek zat pe nazar rakhna