siyah nama-e-amal ek bahana tha

siyāh nāma-e-a.amāl ik bahāna thā

kisī tarīqe se maqsad mujhe jalānā thā

sunā rahā thā har ik naḳhl dāstāñ koī

har ik makān ke lab par koī fasāna thā

libās meñ vo hasīñ aur purkashish Thahre

sharīr nazroñ se jin ko badan chhupānā thā

jagā diyā thā use bhī azaan ke Dar ne

mujhe bhī sub.h-savere safar pe jaanā thā

bichhā huā thā samundar nigāh ke aage

chamaktī ret kā manzar bhī kyā suhānā thā

pahuñch rahā huuñ maiñ tāḳhīr se sar-e-manzil

ki qāfile ko mujhe saath le kar aanā thā

koī panāh mayassar hai aaj 'ḳhāvar' ko

na kal jahāñ meñ kahīñ qais kā Thikānā thā

siyah nama-e-amal ek bahana tha

kisi tariqe se maqsad mujhe jalana tha

suna raha tha har ek naKHl dastan koi

har ek makan ke lab par koi fasana tha

libas mein wo hasin aur purkashish Thahre

sharir nazron se jin ko badan chhupana tha

jaga diya tha use bhi azan ke Dar ne

mujhe bhi subh-sawere safar pe jaana tha

bichha hua tha samundar nigah ke aage

chamakti ret ka manzar bhi kya suhana tha

pahunch raha hun main taKHir se sar-e-manzil

ki qafile ko mujhe sath le kar aana tha

koi panah mayassar hai aaj 'KHawar' ko

na kal jahan mein kahin qais ka Thikana tha