so ke uTThe to na dariya na jazira dekha

so ke uTThe to na dariyā na jazīra dekhā

bām-o-dar par vahī taqdīr kā likkhā dekhā

surma.ī dhund muñDeroñ pe nazar aa.ī thī

ham ne sūraj ke nagar meñ ye tamāshā dekhā

paash paash ek hī patthar meñ huā chāñd kā jism

jhiil meñ raat baḌā ḳhūn-ḳharāba dekhā

Dhak rahī thiiñ hameñ girdāb kī maujeñ jis vaqt

kitne logoñ ko kināre pe barahnā dekhā

ai 'shafaq' ek din uTThī thī ufuq se āñdhī

phir daraḳhtoñ pe koī phuul na pattā dekhā

so ke uTThe to na dariya na jazira dekha

baam-o-dar par wahi taqdir ka likkha dekha

surmai dhund munDeron pe nazar aai thi

hum ne suraj ke nagar mein ye tamasha dekha

pash pash ek hi patthar mein hua chand ka jism

jhil mein raat baDa KHun-KHaraba dekha

Dhak rahi thin hamein girdab ki maujen jis waqt

kitne logon ko kinare pe barahna dekha

ai 'shafaq' ek din uTThi thi ufuq se aandhi

phir daraKHton pe koi phul na patta dekha