so usko chhoD diya usne jab wafa nahin ki

so us ko chhoḌ diyā us ne jab vafā nahīñ kī

palaT ke ham ne koī us se iltijā nahīñ kī

jigar figār rahe qais se sivā lekin

ga.e na dasht ko aur chaak bhī qabā nahīñ kī

ḳhudā ko hāzir-o-nāzir samajh ke ye kah de

ki ham ne tujh se mohabbat meñ intihā nahīñ kī

magar tū phir bhī gila-mand hai to hotā rahe

ki ham ne tujh se vafā kī nahīñ to jā nahīñ kī

zarūrateñ to ka.ī tarah kī rahīñ darpesh

amīr-e-shahr ke dar par kabhī sadā nahīñ kī

ḳhafā kiyā hai ḳhudā ko to bār-hā lekin

ḳhudā kā shukr ḳhafā ḳhilqat-e-ḳhudā nahīñ kī

rahī hai dil hī meñ rūdād apne dukh kī sukūn

kahīñ kahā nahīñ kī aur kahīñ sunā nahīñ kī

so us ko chhoD diya us ne jab wafa nahin ki

palaT ke hum ne koi us se iltija nahin ki

jigar figar rahe qais se siwa lekin

gae na dasht ko aur chaak bhi qaba nahin ki

KHuda ko hazir-o-nazir samajh ke ye kah de

ki hum ne tujh se mohabbat mein intiha nahin ki

magar tu phir bhi gila-mand hai to hota rahe

ki hum ne tujh se wafa ki nahin to ja nahin ki

zaruraten to kai tarah ki rahin darpesh

amir-e-shahr ke dar par kabhi sada nahin ki

KHafa kiya hai KHuda ko to bar-ha lekin

KHuda ka shukr KHafa KHilqat-e-KHuda nahin ki

rahi hai dil hi mein rudad apne dukh ki sukun

kahin kaha nahin ki aur kahin suna nahin ki