soch rahe hain madad ko niklen lekin un ka bhi Dar hai

soch rahe haiñ madad ko nikleñ lekin un kā bhī Dar hai

is Dar se mar jaane deñ had hai kyā itnā bhī Dar hai

Dar Dar kar jiine se achchhā laḌ kar hī mar jaa.eñ ham

be-sudh sahmā pāgal bandī aise rahnā bhī Dar hai

ghar meñ sar dīvāroñ se Takrāne se kyā hāsil hai

khiḌkī kholo bāhar jaao ghar meñ chhupnā bhī Dar hai

bandūqoñ se sattā hāsil kar sakte ho tum lekin

roz koī āvāz dabānā chīḳh dabānā bhī Dar hai

chārasāzoñ ke marne par bāġhī log baḌheñge hī

ujlat meñ yuuñ jail banānā tax baḌhānā bhī Dar hai

soch rahe hain madad ko niklen lekin un ka bhi Dar hai

is Dar se mar jaane den had hai kya itna bhi Dar hai

Dar Dar kar jine se achchha laD kar hi mar jaen hum

be-sudh sahma pagal bandi aise rahna bhi Dar hai

ghar mein sar diwaron se Takrane se kya hasil hai

khiDki kholo bahar jao ghar mein chhupna bhi Dar hai

banduqon se satta hasil kar sakte ho tum lekin

roz koi aawaz dabana chiKH dabana bhi Dar hai

chaarasazon ke marne par baghi log baDhenge hi

ujlat mein yun jail banana tax baDhana bhi Dar hai