soch-samajh kar soch-samajh kar kaam karo

soch-samajh kar soch-samajh kar kaam karo

badal na jaa.e jab tak manzar kaam karo

muTThī-bhar logoñ ne nafrat boī thī

ug aa.e haiñ khet meñ ḳhanjar kaam karo

vaqt kaḌā hai jaan kī baazī hai darkār

dhaḌ par jab tak baaqī hai sar kaam karo

ek taraf mazlūm bhī haiñ majbūr bhī haiñ

ek taraf haiñ saare sitamgar kaam karo

vaqt ne phir ik shīsh-mahal tā'mīr kiyā

DhūñD ke laao kaam ke patthar kaam karo

vahshī darinde chīḳh rahe haiñ galiyoñ meñ

sahme hue haiñ saare kabūtar kaam karo

phir nadiyā mahrūm huī hai lahroñ se

jam' karo kuchh kankar patthar kaam karo

kal se bad-tar haal huā hai duniyā kā

kal se zyāda kal se behtar kaam karo

soch-samajh kar soch-samajh kar kaam karo

badal na jae jab tak manzar kaam karo

muTThi-bhar logon ne nafrat boi thi

ug aae hain khet mein KHanjar kaam karo

waqt kaDa hai jaan ki bazi hai darkar

dhaD par jab tak baqi hai sar kaam karo

ek taraf mazlum bhi hain majbur bhi hain

ek taraf hain sare sitamgar kaam karo

waqt ne phir ek shish-mahal ta'mir kiya

DhunD ke lao kaam ke patthar kaam karo

wahshi darinde chiKH rahe hain galiyon mein

sahme hue hain sare kabutar kaam karo

phir nadiya mahrum hui hai lahron se

jam' karo kuchh kankar patthar kaam karo

kal se bad-tar haal hua hai duniya ka

kal se zyaada kal se behtar kaam karo