sochiye dekh ke KHud apne garebanon mein

sochiye dekh ke ḳhud apne garebānoñ meñ

kitne tābūt saje rakkhe haiñ aivānoñ meñ

mahfileñ roz sajāte haiñ sajāne vaale

ḳhastagī aag lagā detī hai armānoñ meñ

haath bāñdhe hue dekhā hai khaḌe logoñ ko

shahriyat siikh rahe hoñge vo darbānoñ meñ

apnī nazroñ meñ hai vo qābil-e-sad-faḳhr ki jo

qissa-e-jaur-e-butāñ kahtā ho but-ḳhānoñ meñ

ham ne dekhe haiñ gulistāñ meñ haqā.eq kyā kyā

kuchh haiñ sairāb to kuchh be-sar-o-sāmānoñ meñ

'hāmid' ik chaa.e kī pyālī kī karāmāt na pūchh

pī ke do ghūñT pahuñch jaatā huuñ mai-ḳhānoñ meñ

sochiye dekh ke KHud apne garebanon mein

kitne tabut saje rakkhe hain aiwanon mein

mahfilen roz sajate hain sajaane wale

KHastagi aag laga deti hai armanon mein

hath bandhe hue dekha hai khaDe logon ko

shahriyat sikh rahe honge wo darbanon mein

apni nazron mein hai wo qabil-e-sad-faKHr ki jo

qissa-e-jaur-e-butan kahta ho but-KHanon mein

hum ne dekhe hain gulistan mein haqaeq kya kya

kuchh hain sairab to kuchh be-sar-o-samanon mein

'hamid' ek chae ki pyali ki karamat na puchh

pi ke do ghunT pahunch jata hun mai-KHanon mein