sochon ke ban-bas mein aaKHir kuchh to sujh hi jaega

sochoñ ke ban-bās meñ āḳhir kuchh to suujh hī jā.egā

ye rastoñ kā pech-o-ḳham ḳhud manzil bhī dikhlā.egā

mumkin hai ki tujh ko ab tak ḳhaak nazar na aatā ho

vaqt balā kā shātir hai vo chāleñ chaltā jā.egā

āñkheñ ro ro chamkā lī haiñ ujle manzar takne ko

sūraj par jo gard paḌī hai us ko kaun haTā.egā

saare achchhe mausam us kī ḳhvāhish meñ hī biit ga.e

kyā vo ab in zard rutoñ meñ mujh se milne aa.egā

sūkhe patte oḌh ke apne tan pe āñkheñ band kiye

soch rahā huuñ koī aa kar dīpak raag sunā.egā

terī merī aql ke naate aaj bhī haiñ 'sajjād' judā

jo maiñ baat samajh nahīñ paayā tū kaise batlā.egā

sochon ke ban-bas mein aaKHir kuchh to sujh hi jaega

ye raston ka pech-o-KHam KHud manzil bhi dikhlaega

mumkin hai ki tujh ko ab tak KHak nazar na aata ho

waqt bala ka shatir hai wo chaalen chalta jaega

aankhen ro ro chamka li hain ujle manzar takne ko

suraj par jo gard paDi hai us ko kaun haTaega

sare achchhe mausam us ki KHwahish mein hi bit gae

kya wo ab in zard ruton mein mujh se milne aaega

sukhe patte oDh ke apne tan pe aankhen band kiye

soch raha hun koi aa kar dipak rag sunaega

teri meri aql ke nate aaj bhi hain 'sajjad' juda

jo main baat samajh nahin paya tu kaise batlaega