sochta hun kahun jadui rang mein ek din na-gahan koi aisi ghazal

sochtā huuñ kahūñ jādūī rang meñ ek din nā-gahāñ koī aisī ġhazal

sher paḌhte hue āsmāñ se utarne lageñ deviyāñ koī aisī ġhazal

koī aisī ġhazal khet meñ laḌkiyāñ phuul chunte hue gungunā.eñ jise

gungunā.eñ jise phuul chunte hue khet meñ laḌkiyāñ koī aisī ġhazal

kaash maiñ kah sakūñ apne rangīn ḳhvāboñ meñ Duubī huī laḌkiyāñ jab paḌheñ

aur paḌhte samay ḳhvāb gāhoñ meñ uḌne lageñ titliyāñ koī aisī ġhazal

ik taraf phuul aur ghaas charte hiran parbatoñ par dhanak : jaise painting lage

ik taraf munjamid ābshāroñ se girtī huī machhliyāñ koī aisī ġhazal

koī aisā suḳhan ek ik lafz meñ jis ke tāsīr ho magnet kī tarah

jab maiñ paḌhne lagūñ bhuul jaa.eñ dukāñ-dār sūd-o-ziyāñ koī aisī ġhazal

ye bhī mumkin hai urdu zabāñ meñ kahūñ aur duniyā ke fiction se behtar lage

aah bharne lageñ rashk karne lageñ kafka maupassant koī aisī ġhazal

sochta hun kahun jadui rang mein ek din na-gahan koi aisi ghazal

sher paDhte hue aasman se utarne lagen dewiyan koi aisi ghazal

koi aisi ghazal khet mein laDkiyan phul chunte hue gungunaen jise

gungunaen jise phul chunte hue khet mein laDkiyan koi aisi ghazal

kash main kah sakun apne rangin KHwabon mein Dubi hui laDkiyan jab paDhen

aur paDhte samay KHwab gahon mein uDne lagen titliyan koi aisi ghazal

ek taraf phul aur ghas charte hiran parbaton par dhanak : jaise painting lage

ek taraf munjamid aabshaaron se girti hui machhliyan koi aisi ghazal

koi aisa suKHan ek ek lafz mein jis ke tasir ho magnet ki tarah

jab main paDhne lagun bhul jaen dukan-dar sud-o-ziyan koi aisi ghazal

ye bhi mumkin hai urdu zaban mein kahun aur duniya ke fiction se behtar lage

aah bharne lagen rashk karne lagen kafka maupassant koi aisi ghazal