sochta hun sada main zamin par agar kuchh kabhi banTta

sochtā huuñ sadā maiñ zamīñ par agar kuchh kabhī bāñTtā

to añdheroñ ke nazdīk jaatā unheñ raushnī bāñTtā

tere hote hue ham tujhe DhūñDte phir rahe the aziiz

kaash tū har ghaḌī har jagah ham se maujūdgī bāñTtā

ḳhāliqā mujh ko mālūm hotā agar āḳhirī moḌ hai

maiñ bichhaḌte hue saare kirdār ko zindagī bāñTtā

vaqt ne beḌiyāñ Daal rakkhī thiiñ paañv meñ varna to maiñ

shahr kī saarī galiyoñ ko har vaqt āvārgī bāñTtā

mere bhaa.ī agar darmiyāñ apne dīvār uThtī nahīñ

terā dukh bāñTtā aur tujh se maiñ apnī ḳhushī bāñTtā

mujh ko kamre kī dīvār khiḌkī calender samajhte the bas

aur koī nahīñ jin se maiñ apnī afsurdagī bāñTtā

jo aziyyat ke ḳhāne meñ ab rakh rahe haiñ mohabbat ko kaash

ishq hone se pahle unheñ 'mīr' kī shā.irī bāñTtā

sochta hun sada main zamin par agar kuchh kabhi banTta

to andheron ke nazdik jata unhen raushni banTta

tere hote hue hum tujhe DhunDte phir rahe the aziz

kash tu har ghaDi har jagah hum se maujudgi banTta

KHaliqa mujh ko malum hota agar aaKHiri moD hai

main bichhaDte hue sare kirdar ko zindagi banTta

waqt ne beDiyan Dal rakkhi thin panw mein warna to main

shahr ki sari galiyon ko har waqt aawargi banTta

mere bhai agar darmiyan apne diwar uThti nahin

tera dukh banTta aur tujh se main apni KHushi banTta

mujh ko kamre ki diwar khiDki calender samajhte the bas

aur koi nahin jin se main apni afsurdagi banTta

jo aziyyat ke KHane mein ab rakh rahe hain mohabbat ko kash

ishq hone se pahle unhen 'mir' ki shairi banTta