sohbat-e-shab ka talabgar na hoga koi

sohbat-e-shab kā talabgār na hogā koī

ḳhauf itnā hai ki bedār na hogā koī

dhuup har samt se niklī to kahāñ jāoge

dasht meñ sāya-e-dīvār na hogā koī

harf-e-ehsās bhī jal jā.egā hoñToñ kī tarah

mudda.ā qābil-e-iz.hār na hogā koī

maiñ ki parvarda-e-sahrā huuñ bikūñgā kaise

dekh lenā ki ḳharīdār na hogā koī

kuchh to hai jis kī tapish zer-o-zabar kartī hai

yūñhī rusvā sar-e-bāzār na hogā koī

saare aalam ko tajassus hai na.ī samtoñ kā

kaise 'ġhālib' kā taraf-dār na hogā koī

kis ko ye ahd-e-junūñ sauñp ke jā.ūñ 'nāmī'

jāntā huuñ ki sazā-vār na hogā koī

sohbat-e-shab ka talabgar na hoga koi

KHauf itna hai ki bedar na hoga koi

dhup har samt se nikli to kahan jaoge

dasht mein saya-e-diwar na hoga koi

harf-e-ehsas bhi jal jaega honTon ki tarah

muddaa qabil-e-izhaar na hoga koi

main ki parwarda-e-sahra hun bikunga kaise

dekh lena ki KHaridar na hoga koi

kuchh to hai jis ki tapish zer-o-zabar karti hai

yunhi ruswa sar-e-bazar na hoga koi

sare aalam ko tajassus hai nai samton ka

kaise 'ghaalib' ka taraf-dar na hoga koi

kis ko ye ahd-e-junun saunp ke jaun 'nami'

jaanta hun ki saza-war na hoga koi