soz-e-darun ko aankh se bahar nikal kar

soz-e-darūñ ko aañkh se bāhar nikāl kar

har shāḳh rakh rahī hai gul-e-tar nikāl kar

laa.e husain āḳhirī lashkar nikāl kar

ḳheme se tishna-lab alī asġhar nikāl kar

thoḌe hī din hai shāḳh-e-shajar par ye naġhmagī

uḌ jā.eñge ye log na.e par nikāl kar

ahl-e-nazar ke sāmne rakhtā huuñ dekh leñ

laayā huuñ musht-e-ḳhāk se gauhar nikāl kar

yuuñ bhī ho mujh ko chashm-e-fanā DhūñDhtī phire

rakh duuñ maiñ rūh-e-jism se bāhar nikāl kar

is dāstāñ meñ aur to kuchh bhī nayā nahīñ

us ke bichhaḌte vaqt kā manzar nikāl kar

kartā huuñ sajda aap maiñ apne jamāl ko

patthar se ik ḳhayāl kā paikar nikāl kar

ab shā.irī meñ aur kisī ko bhī deñ jagah

majzūb-o-mast-o-faqr-o-qalandar nikāl kar

shahroñ kī būd-o-bāsh ne vahshī kiyā use

phirtā hai qais haath meñ ḳhanjar nikāl kar

soz-e-darun ko aankh se bahar nikal kar

har shaKH rakh rahi hai gul-e-tar nikal kar

lae husain aaKHiri lashkar nikal kar

KHeme se tishna-lab ali asghar nikal kar

thoDe hi din hai shaKH-e-shajar par ye naghmagi

uD jaenge ye log nae par nikal kar

ahl-e-nazar ke samne rakhta hun dekh len

laya hun musht-e-KHak se gauhar nikal kar

yun bhi ho mujh ko chashm-e-fana DhunDhti phire

rakh dun main ruh-e-jism se bahar nikal kar

is dastan mein aur to kuchh bhi naya nahin

us ke bichhaDte waqt ka manzar nikal kar

karta hun sajda aap main apne jamal ko

patthar se ek KHayal ka paikar nikal kar

ab shairi mein aur kisi ko bhi den jagah

majzub-o-mast-o-faqr-o-qalandar nikal kar

shahron ki bud-o-bash ne wahshi kiya use

phirta hai qais hath mein KHanjar nikal kar