soz-e-gham ahl-e-mohabbat ko KHuda baKHshe hai

soz-e-ġham ahl-e-mohabbat ko ḳhudā baḳhshe hai

ye vo marham hai jo zaḳhmoñ ko shifā baḳhshe hai

zulf apnī ruḳh-e-raushan pe sajī rahne do

mere ā.īna-e-dil ko ye jilā baḳhshe hai

bazm-e-hastī meñ jo aaya hai vo jā.egā zarūr

kaun jiitā hai sadā kis ko qazā baḳhshe hai

us ke qabze meñ to ġham aur ḳhushī donoñ haiñ

ab ye hai maslahat-e-yār vo kyā baḳhshe hai

zindagī kī rah-e-pur-ḳhār meñ tum saath raho

sham.a āñkhoñ ko añdhere meñ ziyā baḳhshe hai

jam.a hai bhiiḌ ḳhatā-varoñ kī us ke dar par

dekhnā ye hai ki vo kis kī ḳhatā baḳhshe hai

kaun duniyā meñ pareshān nahīñ hai 'shādāñ'

kis ko tapte hue sahrā kī havā baḳhshe hai

soz-e-gham ahl-e-mohabbat ko KHuda baKHshe hai

ye wo marham hai jo zaKHmon ko shifa baKHshe hai

zulf apni ruKH-e-raushan pe saji rahne do

mere aaina-e-dil ko ye jila baKHshe hai

bazm-e-hasti mein jo aaya hai wo jaega zarur

kaun jita hai sada kis ko qaza baKHshe hai

us ke qabze mein to gham aur KHushi donon hain

ab ye hai maslahat-e-yar wo kya baKHshe hai

zindagi ki rah-e-pur-KHar mein tum sath raho

shama aankhon ko andhere mein ziya baKHshe hai

jama hai bhiD KHata-waron ki us ke dar par

dekhna ye hai ki wo kis ki KHata baKHshe hai

kaun duniya mein pareshan nahin hai 'shadan'

kis ko tapte hue sahra ki hawa baKHshe hai