soz mein Dubi hui dard ki tafsir na dekh

soz meñ Duubī huī dard kī tafsīr na dekh

jehd-e-paiham ke alam-dār ye taqdīr na dekh

ḳhvāb bhī tū hī yahāñ ḳhvāb kī ta.abīr bhī tū

tū hī iksīr-e-sifat hai koī iksīr na dekh

hikmat-o-ilm-o-firāsat hī tirā virsa hai

nūr-e-īmān-talab ġharb kī tanvīr na dekh

kīmiyā-gar hai to kuchh gur bhī tirī gard meñ ho

sang DhūñDe ki na DhūñDe tujhe ai 'mīr' na dekh

jis ko kahte haiñ baqā us kā samajhnā hai muhāl

saare aurāq palaT ab koī tafsīr na dekh

zaḳhm ulfat meñ mile haiñ jo vo haiñ in.āmāt

tū mire dard ko is tarah se dil-gīr na dekh

jin se chuñdhiyā ga.iiñ duniyā kī nigāheñ aksar

sang-reze haiñ ye 'usmān' kī jāgīr na dekh

soz mein Dubi hui dard ki tafsir na dekh

jehd-e-paiham ke alam-dar ye taqdir na dekh

KHwab bhi tu hi yahan KHwab ki tabir bhi tu

tu hi iksir-e-sifat hai koi iksir na dekh

hikmat-o-ilm-o-firasat hi tera wirsa hai

nur-e-iman-talab gharb ki tanwir na dekh

kimiya-gar hai to kuchh gur bhi teri gard mein ho

sang DhunDe ki na DhunDe tujhe ai 'mir' na dekh

jis ko kahte hain baqa us ka samajhna hai muhaal

sare auraq palaT ab koi tafsir na dekh

zaKHm ulfat mein mile hain jo wo hain inamat

tu mere dard ko is tarah se dil-gir na dekh

jin se chundhiya gain duniya ki nigahen aksar

sang-reze hain ye 'usman' ki jagir na dekh