subh aati hai to aKHbar se lag jate hain

sub.h aatī hai to aḳhbār se lag jaate haiñ

shaam jo Dhaltī hai bāzār se lag jaate haiñ

ishq meñ aur bhalā is ke sivā kyā hogā

dar se uThte haiñ to dīvār se lag jaate haiñ

jab ghaḌī aatī hai insāf kī dhīre dhīre

jurm aa kar sabhī haqdār se lag jaate haiñ

hijr meñ tere to ik chup sī lagī rahtī hai

vasl meñ bātoñ ke ambār se lag jaate haiñ

vaqt aatā hai jo suulī se utarne kā mirī

sach simaT kar mirī guftār se lag jaate haiñ

ab ke mausam bhī ajab hai tirī bātoñ jaisā

sun ke bāteñ tirī ashjār se lag jaate haiñ

khol detī hai havas pahle to chhoTī sī dukāñ

dekhte dekhte bāzār se lag jaate haiñ

ḳhvāb hai, jhuuT hai, maayā hai yā koī vardān

ham to sab bhuul ke sansār se lag jaate haiñ

subh aati hai to aKHbar se lag jate hain

sham jo Dhalti hai bazar se lag jate hain

ishq mein aur bhala is ke siwa kya hoga

dar se uThte hain to diwar se lag jate hain

jab ghaDi aati hai insaf ki dhire dhire

jurm aa kar sabhi haqdar se lag jate hain

hijr mein tere to ek chup si lagi rahti hai

wasl mein baaton ke ambar se lag jate hain

waqt aata hai jo suli se utarne ka meri

sach simaT kar meri guftar se lag jate hain

ab ke mausam bhi ajab hai teri baaton jaisa

sun ke baaten teri ashjar se lag jate hain

khol deti hai hawas pahle to chhoTi si dukan

dekhte dekhte bazar se lag jate hain

KHwab hai, jhuT hai, maya hai ya koi wardan

hum to sab bhul ke sansar se lag jate hain