subh ab hoti nahin

sub.h ab hotī nahīñ

raat kyoñ sotī nahīñ

jism hai ThanDā paḌā

saañs kyoñ chaltī nahīñ

dost ab milte nahīñ

aañkh nam hotī nahīñ

raat aañsū sī bahī

pyaas kyoñ bujhtī nahīñ

khaa.e faaqe ḳhuub haiñ

bhuuk par ghaTtī nahīñ

dil paḌā vīrān hai

siip hai motī nahīñ

'umr kī dahlīz par

hasrateñ miTtī nahīñ

dafn kar ke ḳhvāb bhī

ziist kam hotī nahīñ

hai saḌak vīrān sī

khiḌkiyāñ khultī nahīñ

Doriyāñ resham kī haiñ

girheñ kyoñ khultī nahīñ

subh ab hoti nahin

raat kyon soti nahin

jism hai ThanDa paDa

sans kyon chalti nahin

dost ab milte nahin

aankh nam hoti nahin

raat aansu si bahi

pyas kyon bujhti nahin

khae faqe KHub hain

bhuk par ghaTti nahin

dil paDa viran hai

sip hai moti nahin

'umr ki dahliz par

hasraten miTti nahin

dafn kar ke KHwab bhi

zist kam hoti nahin

hai saDak viran si

khiDkiyan khulti nahin

Doriyan resham ki hain

girhen kyon khulti nahin