subh-e-sadiq ka abhi jadu nikhar paya na tha

sub.h-e-sādiq kā abhī jaadū nikhar paayā na thā

tā.eroñ ne naġhma-e-hamd-o-sanā gaayā na thā

nik.hatoñ kā shoḳh naġhma raqs meñ aaya na thā

nuqra.ī kirnoñ ne apnā jaal phailāyā na thā

thī mizāj-e-zindagī meñ ik tajassus kī thakan

duur tak bhī manziloñ kā kuchh nishāñ paayā na thā

dhaḌkaneñ hī le rahī thiiñ dhaḌkanoñ kā jā.eza

qurbatoñ ne ḳhush-navā naġhma abhī gaayā na thā

kuchh gumāñ thī kuchh yaqīñ thī shorish-e-hastī yahāñ

ye vo qissa thā jise koī samajh paayā na thā

qurbatoñ meñ jhāñk kar dekhā kiye thā bārhā

dūrī-e-dil ke sivā kuchh bhī nazar aaya na thā

vo adā-e-dil-nashīñ jo soch kī jhankār thī

is adā ne dard kā naġhma abhī gaayā na thā

tere hī faiz-o-karam se mālik-e-kaun-o-makāñ

umr bhar ye dil kisī aalam meñ ghabrāyā na thā

qurbatoñ ke hādsoñ ne baḳhsh dī thiiñ raunaqeñ

āshnā nā-āshnā koī nazar aaya na thā

subh-e-sadiq ka abhi jadu nikhar paya na tha

taeron ne naghma-e-hamd-o-sana gaya na tha

nikhaton ka shoKH naghma raqs mein aaya na tha

nuqrai kirnon ne apna jal phailaya na tha

thi mizaj-e-zindagi mein ek tajassus ki thakan

dur tak bhi manzilon ka kuchh nishan paya na tha

dhaDkanen hi le rahi thin dhaDkanon ka jaeza

qurbaton ne KHush-nawa naghma abhi gaya na tha

kuchh guman thi kuchh yaqin thi shorish-e-hasti yahan

ye wo qissa tha jise koi samajh paya na tha

qurbaton mein jhank kar dekha kiye tha barha

duri-e-dil ke siwa kuchh bhi nazar aaya na tha

wo ada-e-dil-nashin jo soch ki jhankar thi

is ada ne dard ka naghma abhi gaya na tha

tere hi faiz-o-karam se malik-e-kaun-o-makan

umr bhar ye dil kisi aalam mein ghabraya na tha

qurbaton ke hadson ne baKHsh di thin raunaqen

aashna na-ashna koi nazar aaya na tha