subh-e-tarab meri aankhon mein KHwab kai lahrae the

sub.h-e-tarab merī āñkhoñ meñ ḳhvāb ka.ī lahrā.e the

shām-e-alam ke sāthī lekin baḌhte phailte saa.e the

ek tumhāre pyaar kī ḳhātir jag ke dukh apnā.e the

ham ne apne ek diip se kitne diip jalā.e the

sirf javānī ke kuchh din hī umr kā hāsil hote haiñ

aur javānī ke ye din bhī ham ko raas na aa.e the

husn ko ham ne amar kahā thā pyaar ko sachchā jaanā thā

ek javānī ke kas bal par saare sach jhuTlā.e the

us ke binā jo umr guzārī be-masraf sī lagtī thī

us be-mehr se dil ko lagā kar bhī ham hī pachhtā.e the

be-mehrī kī tohmat bhī hai mehr-o-muravvat vāloñ par

usī havā ne murjhā.e haiñ jis ne phuul khilā.e the

ġharq-e-bāda-e-nāb hue vo chāñd se chehre phuul se jism

tum ne jin kī yaad meñ 'ishqī' jaam kabhī Takrā.e the

subh-e-tarab meri aankhon mein KHwab kai lahrae the

sham-e-alam ke sathi lekin baDhte phailte sae the

ek tumhaare pyar ki KHatir jag ke dukh apnae the

hum ne apne ek dip se kitne dip jalae the

sirf jawani ke kuchh din hi umr ka hasil hote hain

aur jawani ke ye din bhi hum ko ras na aae the

husn ko hum ne amar kaha tha pyar ko sachcha jaana tha

ek jawani ke kas bal par sare sach jhuTlae the

us ke bina jo umr guzari be-masraf si lagti thi

us be-mehr se dil ko laga kar bhi hum hi pachhtae the

be-mehri ki tohmat bhi hai mehr-o-murawwat walon par

usi hawa ne murjhae hain jis ne phul khilae the

gharq-e-baada-e-nab hue wo chand se chehre phul se jism

tum ne jin ki yaad mein 'ishqi' jam kabhi Takrae the